Ստեփան Ավագյանի հուշամրցաշարի փակման արարողություն

Հուլիսի 10-ին ավարտվեց Ստեփան Ավագյանի հուշամրցաշար. «Ջերմուկ-2019» պատանեկան XIV միջազգային բաց մրցաշարը: Փակման արարողությունը տեղի ունեցավ «Ջերմուկ Աշխարհ» առողջարանում:

Ներկա էին Վայոց Ձորի մարզպետ Տրդատ Սարգսյանը, Վայոց Ձորի շախմատի ֆեդերացիայի նախագահ Հարություն Սարգսյանը:

Բացի հիմնական մրցանակային ֆոնդից նվերներ էին պատրաստել Ջերմուկի համայնքապետարանը և մրցաշարի մշտական աջակից Ավագյանների ընտանիքը: Արարողության ընթացքում մասնակիցներին ողջունեց Հայաստանի շախմատի ակադեմիայի հիմնադիր-տնօրեն Սմբատ Լպուտյանը, ով իր խոսքով շնորհակալություն հայտնեց բոլոր աջակիցներին ի դեմս Armenia Wellness & SPA Hotel, Ararat Health Center, Jermuk Ashkhar Health Center, Grand Resort Jermuk և Jermuk Hotel & SPA հյուրանոցների: 

Շախմատի ակադեմիան շնորհավորում է բոլոր մրցանակակիրներին և մաղթում նորանոր հաղթանակներ: